Este é o blog de traballo para os alumnos de Lingua galega e literatura de 1º da ESO do IES María Sarmiento de Viveiro. Nel compartiremos noticias, traballos, documentos,...
O noso fitofaladoiro
Adiviña adiviñador, que frutal carga sen a súa frol?.
27 de out. de 2013
VIDEOTITORIAL DE GLOGSTER.
VÍDEO PUBLICITARIO
23 de out. de 2013
curta
FriendSheep es un divertido cortometraje realizado íntegramente por los alumnos de PrimerFrame.com. Imperdible.
SOBRE TEXTOS E PARÁGRAFOS.NOVA TAREFA "TEXTO/PARÁGRAFO".
Como xa vimos, o texto é un conxunto de enunciados con sentido completo e estrutúrase en parágrafos. Sepáranse por punto e á parte.
Os parágrafos están formados por oracións, unidades cun verbo conxugado. Únense por punto e seguido.
TAREFA
Escribe un texto de dous parágrafos, con corrección ortográfica e indicando o teu nome e apelido , nº de aula e curso.
No primeiro parágrafo presentas un resume do texto, neste caso unha curta, "Rato á venda"ou "Cinco minutos máis".
No segundo parágrafo indicas o tema e outro posíbel título.
Para preparar esta tarefa le primeiro a teoría da páxina 31 do libro.
Subes o teu texto a comentarios, nesta entrada.
Etiquetas:
1º ESO,
curtametraxe,
Lingua escrita,
Tarefas
17 de out. de 2013
Xogamos e aprendemos léxico II.
Este xogo vai de comidas. Preme na ligazón.
Le o seguinte texto e sube un comentario na entrada sobre o tema.
Preme aquí.
E para hoxe o seguinte da natureza. Pon os cascos para oíres ben o altofalante e preme aquí.
14 de out. de 2013
13 de out. de 2013
As linguas do mundo, parte II: linguas americanas.
Para ler preme na ligazón: linguas americanas.
Jorge Fraga de 1º C envia un mapa mental coas linguas autóctonas de América. Grazas campión!
Tamén envía o seu esquema Sara Coello, de 1º A. Parece que lles gusta o Bubbl.us! A min tamén!
9 de out. de 2013
A PUBLICIDADE.
Publicidade Gadis
Uploaded with ImageShack.us
Publicidade Concello de Vigo
Zocas
Outros produtos
A COMUNICACIÓN
Uploaded with ImageShack.us
Publicidade Concello de Vigo
Zocas
Outros produtos
A COMUNICACIÓN
8 de out. de 2013
A diversidade lingüística no mundo.
Aínda que é imposible dar unha cifra exacta -nin sequera aproximada-, calcúlase que no mundo se falan na actualidade entre 3.000 e 5.000 linguas, das cales soamente 600 contan con máis de 100.000 falantes, cifra que se considera mínima para garantir a súa supervivencia a medio prazo. Entre os idiomas máis estendidos están o chinés mandarín, usado por 900 millóns de persoas; o inglés, con 470 millóns de falantes; o hindi, falado por máis de 420 millóns de persoas; o español, utilizado por 360 millóns; e o ruso, con case 300 millóns de falantes.
Outro aspecto curioso é o que ten que ver coa súa distribución xeográfica, que non é nin moito menos homoxénea. Segundo afirma Enrique Bernárdez no seu libro Que son as linguas?, en Asia concéntrase o 32 % das linguas existentes, en América o 15 % -entre outras o quiché, o menomimi, o iowa ou o guaraní-, e en Europa e Oriente Medio, só o 4 %.
Estímase que en África se falan máis de 1.500 linguas diferentes. Hai casos singulares como o de Camerún, un país con 12 millóns de habitantes no que se falan nada menos que 270 idiomas, ou Nixeria, onde se rexistraron case 450. Pero a palma lévaa Papúa Nova Guinea, cuxos habitantes comunicanse, atención, en 850 linguas diferentes! Toda unha torre de Babel.
Entre as ameazadas, que son case o 90 % das existentes, hainas tan suxestivas como o cayapa, en Ecuador, con algo menos de 5.000 falantes; o walmajari, que só falan 1.000 seres humanos no mundo; e o zuñi, en Norteamérica, con 6.000 usuarios. Hai tamén casos máis graves, como o miwok, un idioma indio que unicamente falan 4 persoas; ou o yidiny, en Australia, con pouco máis dunha ducia de falantes. Respecto do kamas, unha lingua que se falaba nos Urales, dáse practicamente por desaparecida, porque é máis que probable que morrera o último falante do que se tiña noticia, un ancián que tiña 92 anos en 1987.
7 de out. de 2013
IMOS AO TEATRO.
O vindeiro martes 8 de outubro imos ao teatro a Santiago para ver unha obra de Roberto Vidal Bolaño, o autor homenaxeado este ano o Día das Letras Galegas. Velaquí o cartel:
Aquí vos deixo a ficha artística:
Para saberes máis preme na ligazón.
Sube un breve comentario sobre un dos seguintes aspectos:
- Valoración da obra( indicas cal é o tema da obra e a túa opinión)
- O personaxe favorito( identificación e descrición)
- Valoración da posta en escena: ambientación, vestiario, iluminación,etc.
3 de out. de 2013
TRABALLO DE LÉXICO ( I )
Esta vai ser a nosa tarefa para traballar o léxico da avaliación. Incluiremos o vocabulario da tres primeiras leccións:
_ Léxico do instituto.
_ Léxico dos deportes.
_ Léxico das profesións.
Para quentar motores mentres preparamos a nosa árbore cheíña de froitos imos xogar un pouco e de paso aprendemos
Bulide que non vos dá tempo!
Este vai de partes do coche.
XOGANDO CO @PortalPalabras No coche http://t.co/wKM06RMPt2 Sábeslle o nome?
— Isa (@Isabelmbs) October 6, 2013
E este de ensaladas de pasta
Para incrustar no blogde aula antes do texto de instrucións! Perfecto! @portaldaspalabras http://t.co/V0BZAM5TAG
— Isa (@Isabelmbs) October 6, 2013
Assinar:
Postagens (Atom)