TIPOS DE TEXTOS: O PROSPECTO.

Un prospecto é un papel que contén as indicacións necesarias sobre un medicamento ou produto.Non deixa de ser un texto de instrucións. Vexamos as características neste texto.

Prospecto from Isabel Bsoto

Repaso do tema 1. Test.

Diversidade lingüística.

BENVIDA AO CURSO 2014 - 2015.

Benvida a toda a comunidade educativa do IES María Sarmiento ao novo curso e a este blog de aula de Lingua galega e literatura para 1º de ESO.Os meus mellores desexos para todos.  

O proceso de aprendizaxe , I : buscando información.

A torre de Babel.Unha cuestión para ter clara.

T

oda a terra falaba una soa lingua e usaba as mesmas palabras. Ó emigraren os homes desde o oriente, encontráronse nunha chaira, no país de Xinar, e establecéronse alí. Dixéronse uns ós outros: _“Imos facer ladrillos e cocelos no lume”. O ladrillo facíalles de pedra e o betume de cemento. E nisto propuxeron: _ “Imos construír unha cidade e unha torre, que chegue co cimo ata o ceo, e fagámonos un nome sonado, para non nos perder pola ancha face da terra”.

B

aixou o Señor para ve-la cidade e a torre que os homes construían, e pensou: _ “Aquí hai un pobo unido que fala a mesma lingua. Se empeza facendo isto, ninguén podería privalos desde agora de faceren o que se lles veña á cabeza. Baixemos e embarullemos alí mesmo a súa lingua, de xeito que non se entendan uns cos outros”. O Señor espallounos de alí por toda a terra, e deixaron de construír a cidade. A esta chamóuselle Babel, porque alí embarullou o Señor a lingua de todo o mundo. Desde alí espallounos por toda a face da terra.

Xén 11,1-9

Explica que relación hai entre a tendencia  á diversificación das linguas e o mito dun idioma universal.

Tarefa 2.Traballamos os textos: lingua non literaria/lingua literaria.

“Imos examinar as peculiaridades dunha casa-vivenda ordenada, xunto coas súas construcións adxectivas, en torno a un patio central, ó que se accede por unha porta de dúas batentes situada nun dos muros piñóns dun alpendre no que atopamos o galiñeiro, e un pequeno almacén para os útiles de labranza cuberto polo palleiro.A edificación da casa-vivenda está composta por tres corpos edificados en distintos momentos. No primeiro, cunha planta terrea ocupada pola corte, encontramos un andar composto pola sala e os cuartos de durmir, ó que se chega a través dunha escaleira exterior que desemboca nun corredor totalmente pechado. No segundo, unha ampla cociña que ocupa a totalidade do andar, comunicada co resto da vivenda polo corredor. E o terceiro, de pequenas dimensións, está ocupado por un cuarto con entrada desde a sala.”

Pedro de Llano. Arquitectura popular en Galicia.

CASA BALEIRA

Hai un olor pechado

e un rastro de ausencias

esquecidas nos espellos,

no frío das cinzas apagadas.

Un alento húmido de respiración,

unha gargallada tráxica.

O ecoar espectral dos pasos

e a auga a escorrer

polo tellado

identifico outras horas,

outras voces perdidas sen remedio

na distancia.

No aire dos armarios,

morfina do tempo,

palpo a morneza dun corpo

nestes traxes que amaron a luz.

Naftalina e soños dormen

chalecos e zapatos deixados

por alguén que emprendeu escura

naveganza.

Aquí están en paz,en soliloquio

íntimo,

suores, caricias, lonxanías,

últimos mofos onde se pudre 

oloroso o esquenzo, 

tal se destapo un frasco de aire

enfermo.

Xulio L. Valcárcel. En voz baixa

TAREFA 2:

Le os dous textos.
Busca no dicionario as palabras subliñadas.
Redacta un breve texto no que expliques as diferenzas entre un  e outro.

Como presento esta tarefa?:

Nun documento en OpenOffice, aliñado nas catro marxes, en letra verdana,12, indicando:

Nome e apelidos, nº, curso
Tarefa 2 "Casas": Traballamos os textos: lingua non literaria/lingua literaria.

A tarefa entregarase ou impresa nun folio DIN A4 ou como arquivo adxunto á dirección de correo electónico  sabelaals@gmail.com
Data final de entrega:Primeira semana de outubro.

Xogamos e aprendemos léxico

Preme aquí para xogares.

Preme na ligazón.

Videotitorial de bubbl.us: esquemas e mapas mentais.

A 1ª clasificación dos textos pode ser a seguinte:

Aos textos literarios sabémoslles as características e no esquema podemos deixalas así (vale de moitas formas):

O voso traballo é facer un esquema en Bubbl.us cos XÉNEROS LITERARIOS.

A COMUNICACIÓN.

Tipos de textos, I

Lectura comprensiva

Make your own mind maps with Mindomo.

OS NOSOS TRABALLOS NA 3ª AVALIACIÓN

ESTES SON ALGÚNS DOS TRABALLOS DA 3ª AVALIACIÓN. AO LONGO DESTA SEMANA IREI ACTUALIZANDO O RESTO. LEMBRADE QUE TEDES ATA O DÍA 5 DE XUÑO PARA OS ÚLTIMOS ENVÍOS. A PARTIR DESA DATA A ENTREGA SERÁ POLOS CAUCES QUE COMETAMOS NA AULA.

ANTOLOXÍA COMENTADA:

O TEXTO NARRATIVO.

A "MATERIA DE BRETAÑA".TABOLEIRO PARA IMAXES.

Para abrir o Pinterest premede aquí.

Respostas do cuestionario da "Cántiga"

Respostas ao cuestionario "Cántiga"

CUESTIONARIO SOBRE A "CÁNTIGA"

LIBRO DE LECTURA DA 3ª AVALIACIÓN

Lendo poesía:Curros Enríquez.

Unha noite na eira do trigo
ao refrexo do branco luar,
Una nena choraba sin trégolas
Os desdéns dun ingrato galán.

I a coitada entre queixas dicía,
"Xa no mundo non teño ninguén!",
"Vou morrer e non ven os meus ollos,
Os olliños do meu doce ben!".

O seus ecos de melancolia,
Camiñaban nas alas do vento,
I o lamento repetía,
"Vou morrer e non vén o meu ben".

Lonxe dela de pé sobre a popa
Dun alevee negreiro vapor,
Emigrado camiño de America,
Vai o pobre infeliz amador.

I ao mirar as xentís anduriñas,
Cara a terra que deixa cruzar,
"Quen pudera dar volta!", pensaba,
"Quen pudera con vosco voar!".

Mais as aves i o buque fuxian,
Sin oir seus amargos lamentos,
Soio os ventos repetian
Quen pudera con vosco voar!.

Noites claras de aroma e lúa,
Desde entón que tristeza en vós hai,
Pros que viron chorar unha nena,
Pros que viron un barco marchar.

Dun amor celestial verdadeiro,
Quedou soio de bágoas a proba,
Unha cova nun outeiro,
I un cadabre no fondo do mar.

Resume o poema e indica o tema.

TEXTO POÉTICO.

TEXTO POÉTICO | Piktochart Infographic Editor