Imos ao cine: O Apóstolo.

Hoxe, dentro da celebración das Letras Galegas, temos a oportunidade de ver no noso centro a película O APÓSTOLO.

O director e guionista é Fernando Cortizo.

O xénero desta película de animación pode encadrarse dentro das películas de terror, pero pódese ver a partir dos 7 anos.

 INVESTIGANDO: é unha película feita por CROUWDFUNDING. E que é iso?

CROUWDFUNDING/FINANCIAMENTO EN MASA

FINANCIAMENTO POR SUBSCRICIÓN

Financiamento por subscrición (do inglés crowdfunding), tamén denominada financiamento colectivo, microfinanciamento colectivo, e micromecenado, é a cooperación colectiva, levada a cabo por persoas que realizan unha rede para conseguir diñeiro ou outros recursos; adóitase utilizar Internet para financiar esforzos e iniciativas doutras persoas ou organizacións. Crowdfunding pode ser usado para moitos propósitos, desde artistas buscando apoio dos seus seguidores, campañas políticas, financiamento do nacemento de compañías ou pequenos negocios.

Ademais é unha película stop motion; na Wikipedia lemos: 

O stop motion ou parada de imaxe é unha técnica de animación que consiste en aparentar o movemento de obxectos estáticos por medio dunha serie de imaxes fixas sucesivas. En xeral, denomínanse animacións stop motion a aquelas que non entran na categoría dos debuxos animados, nin na de animación por computador. Isto é, que non son debuxadas en 2D nin animadas integramente por computador en 3D, senón que son animacións creadas tomando imaxes directamente da realidade.

Segundo o tipo de material utilizado nos modelos da animación, pódense distinguir dous tipos de stop motion: a que utiliza modelos creados a partir de materiais maleables como plastilina ou arxila e que recibe o nome de claymation, e as que utilizan figuras ou modelos feitos con materiais ríxidos.